Agriculture

1509 ਤੋਂ ਬਾਅਦ ਹੁਣ 1121 ਨੇ ਵੀ ਕੀਤਾ ਕਿਸਾਨਾਂ ਨੂੰ ਨਿਰਾਸ਼, ਸਿਰਫ ਏਨੇ ਰੁਪਏ ਮਿਲ ਰਿਹਾ ਰੇਟ

ਬਾਸਮਤੀ 1509 ਤੋਂ ਬਾਅਦ ਹੁਣ ਪੂਸਾ 1121 ਦੇ ਰੇਟਾਂ ਨੇ ਵੀ ਕਿਸਾਨਾਂ ਨੂੰ ਕਾਫ਼ੀ ਨਿਰਾਸ਼ ਕੀਤਾ ਹੈ ਅਤੇ ਉਨ੍ਹਾਂਨੂੰ ਕਾਫ਼ੀ ਘੱਟ ਰੇਟ ਵਿੱਚ ਫਸਲ ਵੇਚਣੀ ਪੈ ਰਹੀ ਹੈ। ਬਾਸਮਤੀ ਨਿਰਿਆਤ ਵਿੱਚ ਪੂਸਾ-1121 ਦਾ ਪ੍ਰਮੁੱਖ ਯੋਗਦਾਨ ਹੈ। ਪਰ ਇਸ ਵਾਰ 1121 ਕਿਸਮ ਦੇ ਥੋਕ ਖਰੀਦਾਰ ਰਾਇਸ ਮਿਲਰਸ ਅਤੇ ਨਿਰਿਆਤਕ ਇਸਨੂੰ ਖਰੀਦਣ ਵਿੱਚ ਸੰਕੋਚ ਕਰ ਰਹੇ ਹਨ। ਈਰਾਨੀ ਖਰੀਦਦਾਰਾਂ ਵੱਲੋਂ ਭਾਰਤੀ ਨਿਰਿਯਾਤਕਾਂ ਨੂੰ ਭੁਗਤਾਨ ਵਿੱਚ ਦੇਰੀ ਹੋਣਾ ਘੱਟ ਕੀਮਤਾਂ ਦਾ ਮੁੱਖ ਕਾਰਨ ਮੰਨਿਆ ਜਾ ਰਿਹਾ ਹੈ।ਕਿਉਂਕਿ 2019-20 ਲਈ ਈਰਾਨੀ ਖਰੀਦਦਾਰਾਂ ਵੱਲੋਂ ਲਗਭਗ 3 ਲੱਖ ਟਨ ਦਾ ਭੁਗਤਾਨ ਨਹੀਂ ਕੀਤਾ ਗਿਆ ਹੈ, ਜਦੋਂ ਕਿ ਲਗਭਗ 1.5 ਲੱਖ ਟਨ ਚਾਵਲ ਨਿਰ੍ਯਾਤਕਾਂ ਕੋਲ ਪਹਿਲਾਂ ਤੋਂ ਪਿਆ ਹੋਇਆ ਹੈ। ਇਸ ਕਾਰਨ ਨਿਰਿਆਤਕ ਤਾਜ਼ਾ ਪੂਸਾ-1121 ਖਰੀਦਣ ਅਤੇ ਈਰਾਨ ਵੱਲੋਂ ਨਵੇਂ ਆਰਡਰ ਬੁੱਕ ਕਰਨ ਵਿੱਚ ਦਿਲਚਸਪੀ ਨਹੀਂ ਲੈ ਰਹੇ।ਖਰੀਦਦਾਰਾਂ ਦੇ ਅੱਗੇ ਨਾ ਆਉਣ ਦੇ ਕਾਰਨ ਪਿਛਲੇ ਸਾਲ ਦੀ ਤਰ੍ਹਾਂ ਕੀਮਤਾਂ ਨਹੀਂ ਵੱਧ ਰਹੀਆਂ ਹਨ। ਘੱਟ ਕੀਮਤਾਂ ਤੋਂ ਕਿਸਾਨ ਬਹੁਤ ਨਿਰਾਸ਼ ਹਨ। ਸ਼ੇਰ ਸਿੰਘ ਨਾਮ ਦੇ ਇੱਕ ਕਿਸਾਨ ਦਾ ਕਹਿਣਾ ਹੈ ਕਿ “ਮੈਂ ਪੂਸਾ-1121 ਦੀ ਖੇਤੀ ਲਗਭਗ 10 ਏਕੜ ਵਿੱਚ ਕੀਤੀ ਹੈ, ਮੈਨੂੰ ਉਮੀਦ ਸੀ ਕਿ ਇਸ ਵਾਰ ਮੈਨੂੰ ਚੰਗਾ ਮੁਨਾਫ਼ਾ ਮਿਲੇਗਾ, ਪਰ ਇਹ 2,430 ਰੁਪਏ ਪ੍ਰਤੀ ਕੁਇੰਟਲ ਵਿਕਿਆ, ਜਦਕਿ ਪਿਛਲੇ ਸਾਲ ਉਨ੍ਹਾਂਨੂੰ 2,780 ਰੁਪਏ ਪ੍ਰਤੀ ਕੁਇੰਟਲ ਦਾ ਰੇਟ ਮਿਲਿਆ ਸੀ।ਇਸੇ ਤਰ੍ਹਾਂ ਇੱਕ ਹੋਰ ਨੇ ਕਿਹਾ ਕਿ ਇਸਤੋਂ ਪਹਿਲਾਂ ਪੂਸਾ-1509 ਨੇ ਉਨ੍ਹਾਂਨੂੰ ਨਿਰਾਸ਼ ਕੀਤਾ ਸੀ ਕਿਉਂਕਿ ਪਿਛਲੇ ਸਾਲ 2,300 ਰੁਪਏ ਪ੍ਰਤੀ ਕੁਇੰਟਲ ਦੇ ਹਿਸਾਬ ਨਾਲ ਵਿਕੀ 1509 ਦੀ ਫਸਲ ਇਸ ਵਾਰ ਸਿਰਫ 1,900 ਰੁਪਏ ਪ੍ਰਤੀ ਕੁਇੰਟਲ ਤੇ ਆ ਗਈ। ਇਸੇ ਤਰ੍ਹਾਂ ਪੂਸਾ-1121 ਦੀ ਫਸਲ ਪਿਛਲੇ ਸਾਲ ਉਨ੍ਹਾਂਨੇ 2800 ਰੁਪਏ ਦੇ ਭਾਅ ਵਿੱਚ ਵੇਚੀ ਸੀ ਪਰ ਇਸ ਵਾਰ ਸਿਰਫ 2,400 ਰੁਪਏ ਵਿੱਚ ਵੇਚਣੀ ਪਈ।

Related Articles

Back to top button